دروغ گوئی کی فطرت کو آگ لگ جائے

دروغ گوئی کی فطرت کو آگ لگ جائے

تمہاری دوغلی صورت کو آگ لگ جائے

نہ جانے کتنے ہی لوگوں کو مار ڈالا ہے

خدا کرے کہ محبت کو آگ لگ جائے

فقیر شہر کو فاقہ کشی نے مار دیا

امیر شہر کی دولت کو آگ لگ جائے

کہیں ملے جو وفا تو خرید کر رکھ لو

نہ جانے کب یہاں قیمت کو آگ لگ جائے

مآل خفتگی دیکھو یہ قوم چیخ رہی

ذہین فکر کی غفلت کو آگ لگ جائے

حقیر سمجھے سبھی کو ذلیل کرتا پھرے

انا پرست کی شہرت کو آگ لگ جائے

بدل سکے نہ عداوت کو جو اخوت سے

تو ایسے لوگوں کی صحبت کو آگ لگ جائے

چھپا ہو مقصد شہرت اگر بھلائی میں

تو ایسی عزت و شہرت کو آگ لگ جائے

فراق جاناں سے اسعدؔ کا دل ہوا چھلنی

دعائے دل ہے کہ ہجرت کو آگ لگ جائے

darogh goi ki fitrat ko ag lag jae

tumhari doghli surat ko ag lag jae

na jane kitne hi logon ko mar dala hai

khuda kare ke mohabbat ko ag lag jae

faqir-e-shahr ko faqa kashi ne mar diya

amir-e-shahr ki daulat ko ag lag jae

kahin mile jo wafa to kharid kar rakh lo

na jane kab yahan qimat ko ag lag jae

maal-e-khuftagi dekho ye qaum chikh rahi

zahin fikr ki ghaflat ko ag lag jae

haqir samjhe sabhi ko zalil karta phire

ana parast ki shohrat ko ag lag jae

badal sake na adawat ko jo ukhuwwat se

to aise logon ki sohbat ko ag lag jae

chhupa ho maqsad shohrat agar bhalai mein

tu aisi izzat-o-shohrat ko ag lag jae

firaq janan se asad ka dil hua chhalni

dua-e-dil hai ke hijrat ko ag lag jae