زندگی میں اور کوئی تو مری حسرت نہیں

زندگی میں اور کوئی تو مری حسرت نہیں

وقت تیرا چاہتی ہوں بس تری فرصت نہیں

پاک کیا رہنے دیا ہے اس جہاں نے اب بتا

جسم سے مطلب اسے ہے روح سے رغبت نہیں

راہ میں پتھر ہزاروں وہ کریں تو کیا کریں

روکنا ان کا کرم رکنا مری فطرت نہیں

اک اذیت میں سلگتی جا رہی ہوں در بہ در

اور مجھے اس آگ کی تکلیف سے راحت نہیں

بات سنتے بھی نہیں تم اف سمجھتے بھی نہیں

مجھ کو پانے کی تمہاری ضد ہے ی الفت نہیں

جو کریں نفرت بھری باتیں انا لبریز ہوں

کر معاف اے زندگی ایسی مری صحبت نہیں

سوئی کا ی کام تلواروں سے کیوں لیتے ہو تم

زخم سینا زخم بھرنا ان کی یہ قدرت نہیں

zindagi mein aur koi to miri hasrat nahin

waqt tera chahti hun bas tiri fursat nahin

pak kya rahne diya hai is jahan ne ab bata

jism se matlab use hai ruh se raghbat nahin

rah mein patthar hazaron wo karen to kya karen

rokna un ka karam rukna miri fitrat nahin

ik aziyyat mein sulagti ja rahi hun dar ba dar

aur mujhe is ag ki taklif se rahat nahin

bat sunte bhi nahin tum uf samajhte bhi nahin

mujh ko pane ki tumhari zid hai y ulfat nahin

jo karen nafrat bhari baten ana labrez hun

kar muaf ai zindagi aisi miri sohbat nahin

soi ka y kam talwaron se kyun lete ho tum

zakhm sina zakhm bharna un ki ye qudrat nahin