دل گیا سانسوں کا اب غم کیا کریں

دل گیا سانسوں کا اب غم کیا کریں

تم بتاؤ جاں کہ اب ہم کیا کریں

پھول ہے اس کو تو مرجھانا ہی ہے

مرتے مرتے خوشبوئیں کم کیا کریں

دیکھ کر یہ زلف بادل تو بتا

گر نہ برسیں یہ جھما جھم کیا کریں

حکمتیں کر تھک چکے سب ہی یہاں

عشق سے ہارے وہ ہمدم کیا کریں

خامشی میں ہی بھلائی ہے میاں

سرپھروں کو اور برہم کیا کریں

فیصلے کی نوک پر ہے زندگی

یہ گھڑی مرنے کی اب دم کیا کریں

دیکھیے کیسی مدد بخشی ہمیں

کہہ رہے جی ہم نہیں ہم کیا کریں

dil gaya sanson ka ab gham kya karen

tum batao jan ke ab ham kya karen

phul hai us ko to murjhana hi hai

marte marte khushbuen kam kya karen

dekh kar ye zulf badal to bata

gar na barsen ye jhuma jhim kya karen

hikmaten kar thak chuke sab hi yahan

ishq se hare wo hamdam kya karen

khamushi mein hi bhalai hai miyan

sarphiron ko aur barham kya karen

faisle ki nok par hai zindagi

ye ghari marne ki ab dam kya karen

dekhiye kaisi madad bakhshi hamen

kah rahe ji ham nahin ham kya karen