خود کے احساس محبت نے مجھے زندہ رکھا

خود کے احساس محبت نے مجھے زندہ رکھا

میرے کچھ نیک خیالات نے تابندہ رکھا

مجھ کو مشکل ہی گزرتی ہے شناسائی سے

کیونکہ اے دوستو تم نے مجھے شرمندہ رکھا

سہل دل ہوں تو مجھے آپ ہی چلنا ہے محض

اپنے معیار کو سو خود سے ہی پائندہ رکھا

دل لگی کرتی رہی خاک محبت مجھ سے

زندگی میں نے تجھے ریت کا باشندہ رکھا

کتنے رنگوں سے مری سانس کے کس بل تولے

پھر بھی جی بھٹکے نہیں دھیان یہ آئندہ رکھا

khud ke ehsas-e-mohabbat ne mujhe zinda rakha

mere kuchh nek khayalat ne tabinda rakha

mujh ko mushkil hi guzarti hai shanasai se

kyunke ai dosto tum ne mujhe sharminda rakha

sahl dil hun to mujhe ap hi chalna hai mahz

apne meyar ko so khud se hi painda rakha

dil lagi karti rahi khak mohabbat mujh se

zindagi main ne tujhe ret ka bashinda rakha

kitne rangon se miri sans ke kis bal tole

phir bhi ji bhatke nahin dhyan ye ainda rakha