جانے کس کس نے ہمیں تاکید کی

جانے کس کس نے ہمیں تاکید کی

کیوں نہیں دیکھی چمک خورشید کی

جبکہ احساس رقابت ہو گیا

کس سے تب امید ہو تائید کی

سب چمک سے ہی اگر منسوب تھا

سب سے بہتر تھی چمک ناہید کی

خوب صورت زندگی نیرنگ ہے

ہم نے کب اس سے کوئی امید کی

جب تغافل کا ارادہ کر لیا

کون کرتا فکر خیر و دید کی

jane kis kis ne hamen takid ki

kyun nahin dekhi chamak khurshid ki

jabke ehsas-e-raqabat ho gaya

kis se tab ummid ho taid ki

sab chamak se hi agar mansub tha

sab se behtar thi chamak nahid ki

khub surat zindagi nairang hai

ham ne kab us se koi ummid ki

jab taghaful ka irada kar liya

kaun karta fikr khair-o-did ki