ڈھونڈیئے اس شہر میں اب کس کو حاصل کون ہے

ڈھونڈیئے اس شہر میں اب کس کو حاصل کون ہے

اور ذرا بتلائیے کس کے مقابل کون ہے

میں نے میزانوں سے پوچھا طاق پر رکھ کر ضمیر

اپنی ان بربادیوں میں اور شامل کون ہے

خود حوالے کر کے جس نے کشتیاں طوفان میں

بادباں سے جا کے پوچھا میرا ساحل کون ہے

یہ نسیم و خار و خس کس نے جلایا آگ میں

آبشاروں نے یہ سوچا اتنا جاہل کون ہے

برف کا سینہ پگھل کر ایک دریا ہو گیا

کون ٹھہرا تھا یہاں پر اتنا مائل کون ہے

dhundiye is shahr mein ab kis ko hasil kaun hai

aur zara batlaiye kis ke muqabil kaun hai

main ne mezanon se puchha taq par rakh kar zamir

apni in barbadiyon mein aur shamil kaun hai

khud hawale kar ke jis ne kashtiyan tufan mein

badban se ja ke puchha mera sahil kaun hai

ye nasim-o-khar-o-khas kis ne jalaya ag mein

absharon ne ye socha itna jahil kaun hai

barf ka sina pighal kar ek dariya ho gaya

kaun thahra tha yahan par itna mail kaun hai