خود سوال و جواب کرتے رہو

خود سوال و جواب کرتے رہو

اپنے دل سے حساب کرتے رہو

کیوں یہ ارمان یوں ہی مر جائے

طلب آفتاب کرتے رہو

چاندنی ہو یا چاند ہو خود ہی

تم تو نیت خراب کرتے رہو

چاہے ترجیح کوئی دے یا نہیں

خود کو یوں ہی سراب کرتے رہو

جب تلک جسم ٹوٹ کر نہ گرے

زندگی بے نقاب کرتے رہو

khud sawal-o-jawab karte raho

apne dil se hisab karte raho

kyun ye arman yun hi mar jae

talab-e-aftab karte raho

chandni ho ya chand ho khud hi

tum to niyyat kharab karte raho

chahe tarjih koi de ya nahin

khud ko yun hi sarab karte raho

jab talak jism tut kar na gire

zindagi be naqab karte raho