اک خواب مجسم ہونے سے ویران ہوا

اک خواب مجسم ہونے سے ویران ہوا

اک جگنو ہاتھ میں آیا تو بے جان ہوا

اک پیڑ پہ آئے پھل تو پرندے مل بیٹھے

اک شخص کا بچپن بیتا تو انجان ہوا

اک دیکھنے والا دیکھ چکا جب آنکھوں میں

پھر دل میں ان دیکھے کا ڈر مہمان ہوا

وہ ایک سفر ایجاد کا تھا یا ہجرت تھی

جو رستہ شہر سے نکلا اک میدان ہوا

میں راکھ ہوا تو سوگ کی کوئی بات نہیں

اس خاک پہ میرے وصل کا دن آسان ہوا

کچھ پودوں تک اک دن بھی دھوپ نا آئی تھی

اک پیڑ کے کٹنے سے جنگل گنجان ہوا

اک خواب سے جیسے سو تعبیریں نکلی ہوں

اک چہرہ کتنے چہروں کی پہچان ہوا

ik khwab mujassam hone se wiran hua

ik jugnu hath mein aya to be jan hua

ik per pe ae phal to parinde mil baithe

ik shakhs ka bachpan bita to anjan hua

ik dekhne wala dekh chuka jab ankhon mein

phir dil mein an dekhe ka dar mehman hua

wo ek safar ijad ka tha ya hijrat thi

jo rasta shahr se nikla ik maidan hua

main rakh hua to sog ki koi bat nahin

is khak pe mere wasl ka din asan hua

kuchh paudon tak ik din bhi dhup na ai thi

ik per ke katne se jangal gunjan hua

ik khwab se jaise so taabiren nikli hun

ik chehra kitne chehron ki pahchan hua