کوئی ہوتا ہے، ہر اک آشنا اچھا نہیں ہوتا

کوئی ہوتا ہے، ہر اک آشنا اچھا نہیں ہوتا

ضرورت سے زیادہ رابطہ اچھا نہیں ہوتا

سنبھل کر کھیلنا چاہو تو دل سے کھیل سکتے ہو

بچاؤ ہاتھ ٹوٹا آئنا اچھا نہیں ہوتا

جو ویرانوں میں ہوتے ہیں وہ گھر محفوظ ہوتے ہیں

کسی کی دسترس میں گھونسلہ اچھا نہیں ہوتا

ڈبو دے گی گھریلو کشمکش معصوم بچوں کو

کناروں میں زیادہ فاصلہ اچھا نہیں ہوتا

تغافل تیرا شیوہ ہے مگر اے بھولنے والے

محبت کے دنوں کو بھولنا اچھا نہیں ہوتا

کسی کی بات سننا بھی ضروری ہے تفاوت میں

کہ یک طرفہ کوئی بھی فیصلہ اچھا نہیں ہوتا

سمندر بازوؤں کو آزماتا ہے کنارے تک

مسافت میں شکستہ حوصلہ اچھا نہیں ہوتا

گلی میں گر بھی سکتا ہے کوئی رہ گیر ٹھوکر سے

دریچے سے ہر اک کو دیکھنا اچھا نہیں ہوتا

koi hota hai, har ik ashna achchha nahin hota

zarurat se ziyada rabta achchha nahin hota

sambhal kar khelna chaho to dil se khel sakte ho

bachao hath tuta ana achchha nahin hota

jo wiranon mein hote hain wo ghar mahfuz hote hain

kisi ki dastaras mein ghonsla achchha nahin hota

dubo degi gharelu kashmakash maasum bachchon ko

kinaron mein ziyada fasla achchha nahin hota

taghaful tera shewa hai magar ai bhulne wale

mohabbat ke dinon ko bhulna achchha nahin hota

kisi ki bat sunna bhi zaruri hai tafawut mein

ke yak turfa koi bhi faisla achchha nahin hota

samundar bazuon ko azmata hai kinare tak

masafat mein shikasta hausla achchha nahin hota

gali mein gar bhi sakta hai koi rah gir thokar se

dariche se har ik ko dekhna achchha nahin hota