ہم اہل آرزو پہ عجب وقت آ پڑا

ہم اہل آرزو پہ عجب وقت آ پڑا

ہر ہر قدم پہ کھیل نیا کھیلنا پڑا

اپنا ہی شہر ہم کو بڑا اجنبی لگا

اپنے ہی گھر کا ہم کو پتہ پوچھنا پڑا

انسان کی بلندی و پستی کو دیکھ کر

انساں کہاں کھڑا ہے ہمیں سوچنا پڑا

مانا کہ ہے فرار مگر دل کو کیا کریں

ماضی کی یاد ہی میں ہمیں ڈوبنا پڑا

مجبوریاں حیات کی جب حد سے بڑھ گئیں

ہر آرزو کو پاؤں تلے روندنا پڑا

آگے نکل گئے تھے ذرا اپنے آپ سے

ہم کو حبیبؔ خود کی طرف لوٹنا پڑا

ham ahl arzu pe ajab waqt a para

har har qadam pe khel naya khelna para

apna hi shahr ham ko bara ajnabi laga

apne hi ghar ka ham ko pata puchhna para

insan ki bulandi-o-pasti ko dekh kar

insan kahan khara hai hamen sochna para

mana ke hai farar magar dil ko kya karen

mazi ki yad hi mein hamen dubna para

majburiyan hayat ki jab had se barh gain

har arzu ko paon tale rondana para

age nikal gae the zara apne ap se

ham ko habib khud ki taraf lautna para