برف رت کا جو گھاؤ ہوتا ہے

برف رت کا جو گھاؤ ہوتا ہے

اس کا مرہم الاؤ ہوتا ہے

تیری موجودگی سے پھولوں پر

نفسیاتی دباؤ ہوتا ہے

اس جزیرے تلک رسائی میں

کشتیوں کا چناؤ ہوتا ہے

منہ پہ انکار کر دیا اس نے

اب کہاں رکھ رکھاؤ ہوتا ہے

شور کرتے ہوئے پرندوں سے

پہلے پہلے لگاؤ ہوتا ہے

barf rut ka jo ghao hota hai

us ka marham alao hota hai

teri maujudgi se phulon par

nafsiyati dabao hota hai

is jazire talak rasai mein

kashtiyon ka chunao hota hai

munh pe inkar kar diya us ne

ab kahan rakh rakhao hota hai

shor karte hue parindon se

pahle pahle lagao hota hai