جو نہیں ممکن کبھی ممکن وہ ہونا چاہیئے

جو نہیں ممکن کبھی ممکن وہ ہونا چاہیئے

وہ نہیں میرا مجھے تو اس کا ہونا چاہیئے

اور تو کچھ بھی نہیں لیکن سکون قلب کو

ماں کے پہلو کی طرح کا اک بچھونا چاہیئے

میرا یوسف غیب میں ہے اور میں روتی نہیں

ہجر کا مجھ سے تقاضہ ہے کہ رونا چاہیئے

اس محبت کا اصل اس کے سوا کچھ بھی نہیں

عمر ایسی ہے کہ تم کو اک کھلونا چاہیئے

دن سنہرا ہے تو اپنے آپ سے مل لو ضرور

شام تا شب تو فقط تکیہ بھگونا چاہیئے

آج فرصت ہے تو زہراؔ فیصلہ اب خود کرو

چین کھویا نیند کھوئی اب کیا کھونا چاہیئے

jo nahin mumkin kabhi mumkin wo hona chahiye

wo nahin mera mujhe to us ka hona chahiye

aur to kuchh bhi nahin lekin sukun-e-qalb ko

man ke pahlu ki tarah ka ik bichhauna chahiye

mera yusuf ghaib mein hai aur main roti nahin

hijr ka mujh se taqaza hai ke rona chahiye

is mohabbat ka asl us ke siwa kuchh bhi nahin

umr aisi hai ke tum ko ik khilauna chahiye

din sunahra hai to apne ap se mil lo zarur

sham ta shab to faqat takiya bhigona chahiye

aj fursat hai to zahra faisla ab khud karo

chain khoya nind khoi ab kya khona chahiye