تمہاری گفتگو سے ہم کوئی مصرع نکالیں گے

تمہاری گفتگو سے ہم کوئی مصرع نکالیں گے

ہمیں دفتر میں آ کر بھی یہی محسوس ہوتا ہے

ابھی اسکول لگ جائے گا اور بستہ نکالیں گے

تمہاری آنکھ سے تنکا نکالا جائے گا پہلے

ہم اس کے بعد اپنے پیر سے کانٹا نکالیں گے

جنہیں تم قہقہوں اور تالیوں سے داد دیتے ہو

تماشا ختم ہونے پر یہی کاسہ نکالیں گے

محبت کا یہ پہناوا ہمارے تن پہ سجنا ہے

ہم اس کرتے کی کف سے فالتو دھاگہ نکالیں گے

تمہاری فیض یابی کی سبیلیں لگ گئیں فیصلؔ

جنہیں کھڑکی کی حاجت تھی وہ دروازہ نکالیں گے

tumhari guftugu se ham koi misra nikalenge

hamen daftar mein a kar bhi yahi mahsus hota hai

abhi iskul lag jaega aur basta nikalenge

tumhari ankh se tinka nikala jaega pahle

ham is ke baad apne pir se kanta nikalenge

jinhen tum qahqahon aur taliyon se dad dete ho

tamasha khatm hone par yahi kasa nikalenge

mohabbat ka ye pahnawa hamare tan pe sajna hai

ham is karte ki kaf se faltu dhaga nikalenge

tumhari faiz yabi ki sabilen lag gain faisal

jinhen khirki ki hajat thi wo darwaza nikalenge