سمندر میں اتارا جا رہا تھا

سمندر میں اتارا جا رہا تھا

مجھے دھوکے سے مارا جا رہا تھا

جہاں سے آج تک گزرا نہیں میں

اسی جانب دوبارہ جا رہا تھا

نوازش نام کی تھی درحقیقت

ہمیں سر سے اتارا جا رہا تھا

بنا تیرے وہ اک چھوٹا سا لمحہ

کہاں مجھ سے گزارا جا رہا تھا

یہی تھی سوکھے دریا کی کہانی

کہیں تنہا کنارہ جا رہا تھا

samundar mein utara ja raha tha

mujhe dhoke se mara ja raha tha

jahan se aj tak guzra nahin main

usi janib dobara ja raha tha

nawazish nam ki thi darhaqiqat

hamen sar se utara ja raha tha

bana tere wo ik chhota sa lamha

kahan mujh se guzara ja raha tha

yahi thi sukhe dariya ki kahani

kahin tanha kinara ja raha tha