سو باتوں کی بات ہے پیارے وہ جو ذات میں ہوتی ہے

سو باتوں کی بات ہے پیارے وہ جو ذات میں ہوتی ہے

ہر انسان کی عزت اس کے اپنے ہات میں ہوتی ہے

کوئی عجب سا پہلو ہے جو دل میں گھر کر جاتا ہے

کوئی الگ سی بات ہے جو اس کی ہر بات میں ہوتی ہے

اس کی یاد بھی اس کی طرح الٹے وقتوں آتی ہے

شام ڈھلے تک دور رہے اور پاس وہ رات میں ہوتی ہے

کسی سے جھوٹے وعدے کرنا دھوکا دینا ہوتا ہے

غلطی تو وہ ہے میری جاں جو جذبات میں ہوتی ہے

زہرا زیدیؔ آپ اسے آخر کیوں مان نہیں لیتیں

عشق تو رحمت ہے اور رحمت کب خیرات میں ہوتی ہے

so baton ki bat hai pyare wo jo zat mein hoti hai

har insan ki izzat us ke apne hat mein hoti hai

koi ajab sa pahlu hai jo dil mein ghar kar jata hai

koi alag si bat hai jo us ki har bat mein hoti hai

us ki yad bhi us ki tarah ulte waqton ati hai

sham dhale tak dur rahe aur pas wo rat mein hoti hai

kisi se jhute waade karna dhoka dena hota hai

ghalati to wo hai meri jan jo jazbat mein hoti hai

zahra zidi ap use akhir kyun man nahin leten

ishq to rahmat hai aur rahmat kab khairat mein hoti hai