جنہیں ہم بھولنا چاہیں وہ اکثر یاد آتے ہیں

جنہیں ہم بھولنا چاہیں وہ اکثر یاد آتے ہیں

برا ہو اس محبت کا وہ کیوں کر یاد آتے ہیں

بھلائیں کس طرح ان کو کبھی پی تھی ان آنکھوں سے

چھلک جاتے ہیں جب آنسو وہ ساگر یاد آتے ہیں

کسی کے سرخ لب تھے یا دیے کی لو مچلتی تھی

جہاں کی تھی کبھی پوجا وہ مندر یاد آتے ہیں

رہے اے شمع تو روشن دعا دیتا ہے پروانہ

جنہیں قسمت میں جلنا ہے وہ جل کر یاد آتے ہیں

jinhen ham bhulna chahen wo aksar yad ate hain

bura ho is mohabbat ka wo kyun kar yad ate hain

bhulaen kis tarah un ko kabhi pi thi in ankhon se

chhalak jate hain jab ansu wo sagar yad ate hain

kisi ke surkh lab the ya diye ki lau machalti thi

jahan ki thi kabhi puja wo mandir yad ate hain

rahe ai shama to raushan dua deta hai parwana

jinhen qismat mein jalna hai wo jal kar yad ate hain