دیا سے دعا سے ادا سے وفا سے

دیا سے دعا سے ادا سے وفا سے

مجھے ٹھیک کر دو کسی بھی دوا سے

چراغوں کو گھر کے کھلے میں نہ چھوڑو

کہیں بجھ نہ جائیں وبا کی ہوا سے

سنو جا رہا ہوں میں در پے خدا کے

شکایت کروں گا تمہاری خدا سے

ہنسی جھوٹی کیسے رکھیں ہم لبوں پر

کہ پوچھیں گے ہم بھی کسی غم زدہ سے

ہوائیں ہیں کہتی دیوں سے کہ تم سب

جلو گے بجھو گے ہماری رضا سے

سزا سے نہیں کوئی انکار لیکن

سزا یہ بڑی ہے ہماری خطا سے

diya se dua se ada se wafa se

mujhe thik kar do kisi bhi dawa se

charaghon ko ghar ke khule mein na chhoro

kahin bujh na jaen waba ki hawa se

suno ja raha hun main dar pe khuda ke

shikayat karunga tumhari khuda se

hansi jhuti kaise rakhen ham labon par

ke puchhenge ham bhi kisi gham zada se

hawaen hain kahti diyon se ke tum sab

jilauge bujhoge hamari raza se

saza se nahin koi inkar lekin

saza ye bari hai hamari khata se