یہ ہم نے مانا کہ ہوگا وصال یار نصیب

یہ ہم نے مانا کہ ہوگا وصال یار نصیب

دل حزیں کو مگر ہے کہاں قرار نصیب

یہ اپنا اپنا مقدر ہے اور کیا کہیے

خزاں نصیب کوئی ہے کوئی بہار نصیب

کوئی تو ایک نظر کے لیے ترستا ہے

کسی کو ہوتا ہے دیدار بار بار نصیب

نہ آرزو تری کرتے نہ آبرو کھوتے

خود اپنے دل پہ اگر ہوتا اختیار نصیب

سنا تو ہے تیرا دیدار ایک دن ہوگا

اسی امید پہ بیٹھے ہیں انتظار نصیب

سمجھ سکے گا وہ کیا میرے دل کی بیتابی

ہوا نہ جس کو کبھی سوز عشق یار نصیب

جہاں میں اور بھی آسیؔ الم کے مارے ہیں

یہاں پہ تو ہی نہیں ایک سوگوار نصیب

ye ham ne mana ke hoga wisal-e-yar nasib

dil-e-hazin ko magar hai kahan qarar nasib

ye apna apna muqaddar hai aur kya kahiye

khizan nasib koi hai koi bahar nasib

koi to ek nazar ke liye tarasta hai

kisi ko hota hai didar bar bar nasib

na arzu tiri karte na abru khote

khud apne dil pe agar hota ikhtiyar nasib

suna to hai tera didar ek din hoga

isi umid pe baithe hain intizar nasib

samajh sakega wo kya mere dil ki betabi

hawa na jis ko kabhi soz-e-ishq-e-yar nasib

jahan mein aur bhi asi alam ke mare hain

yahan pe tu hi nahin ek sogwar nasib