میں نے ویرانے کو گلزار بنا رکھا ہے

میں نے ویرانے کو گلزار بنا رکھا ہے

کیا برا ہے جو حقیقت کو چھپا رکھا ہے

دور حاضر میں کوئی کاش زمیں سے پوچھے

آج انسان کہاں تو نے چھپا رکھا ہے

وہ تو خود غرضی ہے لالچ ہے ہوس ہے جن کا

نام اس دور کے انساں نے وفا رکھا ہے

وہ مرے صحن میں برسے گا کبھی تو کھل کر

میں نے خواہش کا شجر کب سے لگا رکھا ہے

میں تو مشتاق ہوں آندھی میں بھی اڑنے کے لئے

میں نے یہ شوق عجب دل کو لگا رکھا ہے

میں کہ عورت ہوں مری شرم ہے میرا زیور

بس تخلص اسی باعث تو حیاؔ رکھا ہے

main ne wirane ko gulzar bana rakha hai

kya bura hai jo haqiqat ko chhupa rakha hai

daur-e-hazir mein koi kash zamin se puchhe

aj insan kahan tu ne chhupa rakha hai

wo to khud gharazi hai lalach hai hawas hai jin ka

nam is daur ke insan ne wafa rakha hai

wo mire sehn mein barsega kabhi to khul kar

main ne khwahish ka shajar kab se laga rakha hai

main to mushtaq hun andhi mein bhi urne ke liye

main ne ye shauq ajab dil ko laga rakha hai

main ke aurat hun miri sharm hai mera zewar

bas takhallus isi bais to haya rakha hai