قلعے برباد کرتا اور پتھر چھوڑ جاتا ہے

قلعے برباد کرتا اور پتھر چھوڑ جاتا ہے

جہاں جاتا ہے خوں کا اک سمندر چھوڑ جاتا ہے

محبت تیری گزرے ہے میرے دل سے مرے قاتل

کہ جیسے لوٹ کر شہروں کو لشکر چھوڑ جاتا ہے

تری یادوں کو میں لے کر کہیں بھی ساتھ جاتا ہوں

کہ کاسہ اپنا کب درویش گھر پر چھوڑ جاتا ہے

یہ میرے عشق کی دولت ہے اونچی قصر سلطاں سے

جو اپنی ساری دولت کو یہیں پر چھوڑ جاتا ہے

qile barbad karta aur patthar chhor jata hai

jahan jata hai khun ka ik samundar chhor jata hai

mohabbat teri guzre hai mere dil se mire qatil

ke jaise laut kar shahron ko lashkar chhor jata hai

tiri yadon ko main le kar kahin bhi sath jata hun

ke kasa apna kab darwesh ghar par chhor jata hai

ye mere ishq ki daulat hai unchi qasr-e-sultan se

jo apni sari daulat ko yahin par chhor jata hai