Arooz is now on the App Store, for iPhone and iPad. Download →

All poetry

دل کو خود دل بر سے خطرہ

Madhuvan Rishi Raj

دل کو خود دل بر سے خطرہ

گھر کو اب ہے گھر سے خطرہ

سر زبان کے خطرے میں تھا

اب زبان کو سر سے خطرہ

راہ میں کھو جانا ہے بہتر

راہی کو رہبر سے خطرہ

رات کو سونا دیکھ بھال کے

چادر سے بستر سے خطرہ

یارو دشمن قاتل سارے

نیچے اور اوپر سے خطرہ

گھر جائیں یا باہر گھومیں

اندر سے باہر سے خطرہ

رات کی رات سفر ہے اپنا

ہم کو نور سحر سے خطرہ

بشر بناتا موت ہے اپنی

اس کو اپنے ہنر سے خطرہ