خوابوں میں مصروف ہے تو پر میری یہ بیداری دیکھ

خوابوں میں مصروف ہے تو پر میری یہ بیداری دیکھ

میری راتوں کی سیاہی میں رنگ خوں کو طاری دیکھ

دیکھ تو میری غربت کو اور میری مردہ آنکھوں کو

میری مردہ آنکھوں سے تو اب بھی آنسو جاری دیکھ

تجھ کو دینے کو ہے میرے پاس بتا کیا کچھ بھی نہیں

تجھ سے باتیں تیری یادیں میری دولت ساری دیکھ

میری جان کے ساتھ ساتھ اب سارے لفظ فنا میرے

ان کو اک اک کر کے جاتے تو اب باری باری دیکھ

ذہن میں اک تصویر تھی تیری اپنی ساری دولت جو

آج یہاں پر کھیل کھیل میں ہم نے وہ بھی ہاری دیکھ

گرد مرے ہر جا ہر دم اک شور سنائی دیتا تھا

خاموشی بھی دیکھ لے اب تو آ کر لاش ہماری دیکھ

khwabon mein masruf hai to par meri ye bedari dekh

meri raton ki siyahi mein rang-e-khun ko tari dekh

dekh to meri ghurbat ko aur meri murda ankhon ko

meri murda ankhon se to ab bhi ansu jari dekh

tujh ko dene ko hai mere pas bata kya kuchh bhi nahin

tujh se baten teri yaden meri daulat sari dekh

meri jan ke sath sath ab sare lafz-e-fana mere

un ko ik ik kar ke jate to ab bari bari dekh

zehn mein ik taswir thi teri apni sari daulat jo

aj yahan par khel khel mein ham ne wo bhi hari dekh

gard mire har ja har dam ik shor sunai deta tha

khamoshi bhi dekh le ab to a kar lash hamari dekh