اک بکس کہیں سے لائیں گے روغن سے اسے چمکائیں گے

اک بکس کہیں سے لائیں گے روغن سے اسے چمکائیں گے

اک ڈبے میں باسی پھلکوں کا اک انبار لگائیں گے

لڑکوں سے کہیں گے آؤ گرامو فون فون تمہیں سنوائیں گے

صندوق اور ڈبہ کھول کے پھر ناچیں گے شور مچائیں گے

آج اپنے ہر ہمجولی کو ہم الو خوب بنائیں گے

امجد چونی اور تلسی کو دعوت پہ بلایا جائے گا

اک لمبا چوڑا اجلا دسترخوان بچھایا جائے گا

ڈونگوں کا اور پلیٹوں کا اک ڈھیر لگایا جائے گا

جب ڈھکنے ڈونگوں سے اٹھے ان میں مینڈک ٹرائیں گے

آج اپنے ہر ہمجولی کو ہم الو خوب بنائیں گے

ٹوپی میں گھنٹی لٹکا کر ہم ہولے ہولے جھومیں گے

سب بچے مارے خوف کے کھانا پینا بھولیں گے

ہم بھوت آیا چلائیں گے وہ زور سے آنکھیں موندیں گے

جب رونے پر آئیں گے تب گھنٹی کا راز بتائیں گے

آج اپنے ہر ہمجولی کو ہم الو خوب بنائیں گے

بھیا سے کہیں گے جلدی باہر چلئے گا تار آیا ہے

شاید سرکار نے نو سو پر فوراً شملے بلوایا ہے

امی نے کہا جب کچھ بھی نہیں اک بلا چوہا لایا ہے

تو ہم کھانے کی میز کے نیچے چپکے سے چھپ جائیں گے

آج اپنے ہر ہمجولی کو ہم الو خوب بنائیں گے

ik bakas kahin se laenge roghan se use chamkaenge

ik dabbe mein basi phalkon ka ik ambar lagaenge

larkon se kahenge ao giramo fon fon tumhen sunwaenge

sanduq aur dabba khol ke phir nachenge shor machaenge

aj apne har hamjuli ko ham ullu khub banaenge

amjad chuni aur tulsi ko daawat pe bulaya jaega

ik lamba chaura ujla dastarkhwan bichhaya jaega

dongon ka aur paleton ka ik dher lagaya jaega

jab dhakne dongon se uthe un mein mendak tarraenge

aj apne har hamjuli ko ham ullu khub banaenge

topi mein ghanti latka kar ham haule haule jhumenge

sab bachche mare khauf ke khana pina bhulenge

ham bhut aya chillaenge wo zor se ankhen mundenge

jab rone par aenge tab ghanti ka raz bataenge

aj apne har hamjuli ko ham ullu khub banaenge

bhayya se kahenge jaldi bahar chaliyega tar aya hai

shayad sarkar ne nau so par fauran shamle balwaya hai

ammi ne kaha jab kuchh bhi nahin ik bala chuha laya hai

to ham khane ki mez ke niche chupke se chhup jaenge

aj apne har hamjuli ko ham ullu khub banaenge