رات دن سلسلۂ عمر رواں کی کڑیاں

رات دن سلسلۂ عمر رواں کی کڑیاں

کل جہاں روح جھلس جاتی تھی

اپنے سائے سے بھی آنچ آتی تھی

آج اسی دشت پہ ساون کی لگی ہیں جھڑیاں

رات دن سلسلۂ عمر رواں کی کڑیاں

شب کو جو وادیاں سنسان رہیں

صبح یوں اوس سے آراستہ تھیں

ہر طرف موتیوں کی جیسے تنی ہوئی لڑیاں

رات دن سلسلۂ عمر رواں کی کڑیاں

توڑ کر پاؤں نہ بیٹھو آؤ!

صبح کے اور قریب آ جاؤ!

یوں تو ہر حال میں کٹتی ہی رہیں گی گھڑیاں

رات دن سلسلۂ عمر رواں کی کڑیاں

rat din silsila-e-umr-e-rawan ki kariyan

kal jahan ruh jhulas jati thi

apne sae se bhi anch ati thi

aj isi dasht pe sawan ki lagi hain jhariyan

rat din silsila-e-umr-e-rawan ki kariyan

shab ko jo wadiyan sunsan rahen

subh yun os se arasta thin

har taraf motiyon ki jaise tani hui lariyan

rat din silsila-e-umr-e-rawan ki kariyan

tor kar paon na baitho ao!

subh ke aur qarib a jao!

yun to har hal mein katti hi rahengi ghariyan

rat din silsila-e-umr-e-rawan ki kariyan