ریت پر ثبت ہیں یہ کس کے قدم

ریت پر ثبت ہیں یہ کس کے قدم

حسن کو نرم خرامی کی قسم

سر ساحل مری تخئیل جواں گزری ہے

یا کوئی انجمن گل بدناں گزری ہے

موج نے نقش قدم چاٹ لیے

میری تخئیل کے پر کاٹ لیے

لوگ دریاؤں کے انجام سے ڈر جاتے ہیں

اب تو رستے بھی سمندر میں اتر جاتے ہیں

ret par sabt hain ye kis ke qadam

husn ko narm khirami ki qasam

sar-e-sahil miri takhil jawan guzri hai

ya koi anjuman-e-gul badanan guzri hai

mauj ne naqsh-e-qadam chat liye

meri takhil ke par kat liye

log dariyaon ke anjam se dar jate hain

ab to raste bhi samundar mein utar jate hain