اپنے ماضی کے گھنے جنگل سے

اپنے ماضی کے گھنے جنگل سے

کون نکلے گا! کہاں نکلے گا

بے کراں رات ستارے نابود

چاند ابھرا ہے؟ کہاں ابھرا ہے؟

اک فسانہ ہے تجلی کی نمود

کتنے گنجان ہیں اشجار بلند

کتنا موہوم ہے آدم کا وجود

مضمحل چال قدم بوجھل سے

اپنے ماضی کے گھنے جنگل سے

مجھ کو سوجھی ہے نئی راہ فرار

آہن و سنگ و شرر برسائیں

آؤ اشجار کی بنیادوں پر

تیشہ و تیغ و تبر برسائیں

اک تسلسل سے ہم اپنی چوٹیں

بے خطر بار دگر برسائیں

ذہن پر چھائے ہیں کیوں بادل سے

اپنے ماضی کے گھنے جنگل سے

نوع انساں کو نکلنا ہوگا

ان اندھیروں کو نگلنا ہوگا

apne mazi ke ghane jangal se

kaun niklega! kahan niklega

be karan rat sitare nabud

chand ubhra hai? kahan ubhra hai?

ik fasana hai tajalli ki numud

kitne gunjan hain ashjar buland

kitna mauhum hai adam ka wajud

muzmahil chal qadam bojhal se

apne mazi ke ghane jangal se

mujh ko sujhi hai nai rah-e-farar

ahan-o-sang-o-sharar barsaen

ao ashjar ki buniyadon par

tesha-o-tegh-o-tabar barsaen

ik tasalsul se ham apni choten

be khatar bar-e-digar barsaen

zehn par chhae hain kyun badal se

apne mazi ke ghane jangal se

nau-e-insan ko nikalna hoga

in andheron ko nigalna hoga