جنگل جنگل آگ لگی ہے بستی بستی ویراں ہے

جنگل جنگل آگ لگی ہے بستی بستی ویراں ہے

کھیتی کھیتی راکھ اڑتی ہے دنیا ہے کہ بیاباں ہے

سناٹے کی ہیبت نے سانسوں میں پکاریں بھر دی ہیں

ذہنوں میں مبہوت خیالوں نے تلواریں بھر دی ہیں

قدم قدم پر جھلسے جھلسے خواب پڑے ہیں راہوں میں

صبح کو جیسے کالے کالے دئیے عبادت گاہوں میں

ایک اک سنگ میل میں کتنی آنکھیں ہیں پتھرائی ہوئی

ایک اک نقش قدم میں کتنی رفتاریں کفنائی ہوئی

ہم سفرو اے ہم سفرو کچھ اور بھی نزدیک آ کے چلو

جب چلنا ہی مقدر ٹھہرا ہاتھ میں ہاتھ ملا کے چلو

jangal jangal ag lagi hai basti basti wiran hai

kheti kheti rakh urti hai duniya hai ke bayaban hai

sannate ki haibat ne sanson mein pukaren bhar di hain

zehnon mein mabhut khayalon ne talwaren bhar di hain

qadam qadam par jhulse jhulse khwab pare hain rahon mein

subh ko jaise kale kale diye ibadat gahon mein

ek ik sang-e-mel mein kitni ankhen hain pathrai hui

ek ik naqsh-e-qadam mein kitni raftaren kafnai hui

ham safaro ai ham safaro kuchh aur bhi nazdik a ke chalo

jab chalna hi muqaddar thahra hath mein hath mila ke chalo