یوم مزاجی یاروں کی

یوم مزاجی یاروں کی

سب میری دیکھی بھالی

رات کی تاریکی میں

ان کی انگارہ سی آنکھیں

پوری

دن کو اندھی اور ادھوری

خالی

دن کے یہ درویش مگر راتوں کے والی

اپنے محسن کو جب

دن کے آئینے میں دیکھیں

فرط ادب سے سمٹیں سکڑیں جھک جائیں

اور کچلے مسئلے روندے لہجے میں پوچھیں

کیسا ہے مزاج عالی

رات کو لیکن

پیار کا رستہ کاٹ کے نکلیں

جیسے بلی کالی

ان کی ہے بس ایک نشانی

گالی

yaum mizaji yaron ki

sab meri dekhi bhali

rat ki tariki mein

un ki angara si ankhen

puri

din ko andhi aur adhuri

khali

din ke ye darwesh magar raton ke wali

apne mohsin ko jab

din ke aine mein dekhen

fart-e-adab se simten sukren jhuk jaen

aur kuchle masale ronide lahje mein puchhen

kaisa hai mizaj-e-ali

rat ko lekin

pyar ka rasta kat ke niklen

jaise billi kali

un ki hai bas ek nishani

gali