وہ فسانہ جسے تاریکی نے دہرایا ہے

وہ فسانہ جسے تاریکی نے دہرایا ہے

میری آنکھوں نے سنا

میری آنکھوں میں لرزتا ہوا قطرہ جاگا

میری آنکھوں میں لرزتے ہوئے قطرے نے کسی جھیل کی صورت لے لی

جس کے خاموش کنارے پہ کھڑا کوئی جواں

دور جاتی ہوئی دوشیزہ کو

حسرت و یاس کی تصویر بنے تکتا ہے

حسرت و یاس کی تصویر چھناکا سا ہوا

اور پھر حال کے پھیلے ہوئے پردے کے ہر اک سلوٹ پر

یک بیک دامن ماضی کے لرزتے ہوئے سائے ناچے

ماضی و حال کے ناطے جاگے

wo fasana jise tariki ne dohraya hai

meri ankhon ne suna

meri ankhon mein larazta hua qatra jaga

meri ankhon mein larazte hue qatre ne kisi jhil ki surat le li

jis ke khamosh kinare pe khara koi jawan

dur jati hui doshiza ko

hasrat-o-yas ki taswir bane takta hai

hasrat-o-yas ki taswir chhanaka sa hua

aur phir hal ke phaile hue parde ke har ik salut par

yak bayak daman mazi ke larazte hue sae nache

mazi-o-hal ke nate jage