غیر کی ہو کے بھی تم میری محبت چاہو

غیر کی ہو کے بھی تم میری محبت چاہو

اس گھٹا ٹوپ اندھیرے میں یہ تارے کیسے

فرش پر جس کو ابھی تک نہ ملی جائے پناہ

عرش سے چاند کا ایوان اتارے کیسے

جس کی راہوں پہ بھٹکتے ہوئے جگ بیتے ہیں

پھر اسی دشت کو بد بخت سدھارے کیسے

قافلے آئے گئے گرد اٹھی بیٹھ گئی

اب مسافر کو افق پر سے اشارے کیسے

جن کی تقدیر میں تھا دامن گلچیں کا مزار

وہ شگوفے تو پرائے ہیں ہمارے کیسے

پیش کر سکتا ہوں لیکن تجھے بہلانے کو

چاندنی رات میں مچلے ہوئے رومان کی یاد

بید مجنوں کے طلسمات سے پل پل چھنتی

آسمانوں کو لپکتی ہوئی اک تان کی یاد

میری وارفتگئ شوق کی سن کر روداد

تری آنکھوں میں دمکتے ہوئے ارمان کی یاد

دونوں چہروں پہ شفق دونوں جبینوں پہ عرق

دونوں سینوں میں دھڑکتے ہوئے ہیجان کی یاد

کون ہیں آپ مری زیست کی تنہائی ساتھی

پہلی پہچان کی یاد آخری پیمان کی یاد

ghair ki ho ke bhi tum meri mohabbat chaho

is ghata top andhere mein ye tare kaise

farsh par jis ko abhi tak na mili jae panah

arsh se chand ka aiwan utare kaise

jis ki rahon pe bhatakte hue jag bite hain

phir isi dasht ko bad bakht sidhare kaise

qafile ae gae gard uthi baith gai

ab musafir ko ufuq par se ishare kaise

jin ki taqdir mein tha daman-e-gulchin ka mazar

wo shagufe to parae hain hamare kaise

pesh kar sakta hun lekin tujhe bahlane ko

chandni rat mein machle hue ruman ki yad

baid-e-majnun ke tilismat se pal pal chhanti

asmanon ko lapakti hui ik tan ki yad

meri waraftagi-e-shauq ki sun kar rudad

tiri ankhon mein damakte hue arman ki yad

donon chehron pe shafaq donon jabinon pe araq

donon sinon mein dharakte hue haijan ki yad

kaun hain ap miri zist ki tanhai sathi

pahli pahchan ki yad akhiri paiman ki yad