آگ جنگل میں لگی تھی لیکن

آگ جنگل میں لگی تھی لیکن

بستیوں میں بھی دھواں جا پہنچا

ایک اڑتی ہوئی چنگاری کا

سایہ پھیلا تو کہاں جا پہنچا

تنگ گلیوں میں امڈتے ہوئے لوگ

گو بچا لائے ہیں جانیں اپنی

اپنے سر پر ہیں جنازے اپنے

اپنے ہاتھوں میں زبانیں اپنی

آگ جب تک نہ بجھے جنگل کی

بستیوں تک کوئی جاتا ہی نہیں

حسن اشجار کے متوالوں کو

حسن انساں نظر آتا ہی نہیں

ag jangal mein lagi thi lekin

bastiyon mein bhi dhuan ja pahuncha

ek urti hui chingari ka

saya phaila to kahan ja pahuncha

tang galiyon mein umadte hue log

go bacha lae hain janen apni

apne sar par hain janaze apne

apne hathon mein zabanen apni

ag jab tak na bujhe jangal ki

bastiyon tak koi jata hi nahin

husn ashjar ke matwalon ko

husn insan nazar ata hi nahin