کس بوجھ سے جسم ٹوٹتا ہے

کس بوجھ سے جسم ٹوٹتا ہے

اتنا تو کڑا سفر نہیں تھا

وہ چار قدم کا فاصلہ کیا

پھر راہ سے بے خبر نہیں تھا

لیکن یہ تھکن یہ لڑکھڑاہٹ

یہ حال تو عمر بھر نہیں تھا

آغاز سفر میں جب چلے تھے

کب ہم نے کوئی دیا جلایا

کب عہد وفا کی بات کی تھی

کب ہم نے کوئی فریب کھایا

وہ شام وہ چاندنی وہ خوشبو

منزل کا کسے خیال آیا

تو محو سخن تھی مجھ سے لیکن

میں سوچ کے جال بن رہا تھا

میرے لیے زندگی تڑپ تھی

تیرے لیے غم بھی قہقہہ تھا

اب تجھ سے بچھڑ کے سوچتا ہوں

کچھ تو نے کہا تھا! کیا کہا تھا

kis bojh se jism tutta hai

itna to kara safar nahin tha

wo char qadam ka fasla kya

phir rah se be khabar nahin tha

lekin ye thakan ye larkharahat

ye hal to umr bhar nahin tha

aghaz-e-safar mein jab chale the

kab ham ne koi diya jalaya

kab ahd-e-wafa ki bat ki thi

kab ham ne koi fareb khaya

wo sham wo chandni wo khushbu

manzil ka kise khayal aya

tu mahw-e-sukhan thi mujh se lekin

main soch ke jal ban raha tha

mere liye zindagi tarap thi

tere liye gham bhi qahqaha tha

ab tujh se bichhar ke sochta hun

kuchh tu ne kaha tha! kya kaha tha