اک سنگ تراش جس نے برسوں

اک سنگ تراش جس نے برسوں

ہیروں کی طرح صنم تراشے

آج اپنے صنم کدے میں تنہا

مجبور نڈھال زخم خوردہ

دن رات پڑا کراہتا ہے

چہرے پہ اجاڑ زندگی کے

لمحات کی ان گنت خراشیں

آنکھوں کے شکستہ مرقدوں میں

روٹھی ہوئی حسرتوں کی لاشیں

سانسوں کی تھکن بدن کی ٹھنڈک

احساس سے کب تلک لہو لے

ہاتھوں میں کہاں سکت کہ بڑھ کر

خود ساختہ پیکراں کو چھو لے

یہ زخم طلب یہ نا مرادی

ہر بت کے لبوں پہ ہے تبسم

اے تیشہ بدست دیوتاؤ!

تخلیق عظیم ہے کہ خالق

انسان جواب چاہتا ہے

ik sang tarash jis ne barson

hiron ki tarah sanam tarashe

aj apne sanam kade mein tanha

majbur nidhal zakhm khurda

din rat para karahatta hai

chehre pe ujar zindagi ke

lamhat ki an ginat kharashen

ankhon ke shikasta marqadon mein

ruthi hui hasraton ki lashen

sanson ki thakan badan ki thandak

ehsas se kab talak lahu le

hathon mein kahan sakat ke barh kar

khud sakhta paikaran ko chhu le

ye zakhm talab ye na muradi

har but ke labon pe hai tabassum

ai tesha badast dewtao!

takhliq azim hai ke khaliq

insan jawab chahta hai