حضور آپ اور نصف شب مرے مکان پر

حضور آپ اور نصف شب مرے مکان پر

حضور کی تمام تر بلائیں میری جان پر

حضور خیریت تو ہے حضور کیوں خموش ہیں

حضور بولئے کہ وسوسے وبال ہوش ہیں

حضور ہونٹ اس طرح سے کپکپا رہے ہیں کیوں

حضور آپ ہر قدم پہ لڑ کھڑا رہے ہیں کیوں

حضور آپ کی نظر میں نیند کا خمار ہے

حضور شاید آج دشمنوں کو کچھ بخار ہے

حضور مسکرا رہے ہیں میری بات بات پر

حضور کو نہ جانے کیا گماں ہے میری ذات پر

حضور منہ سے بہ رہی ہے پیک صاف کیجئے

حضور آپ تو نشے میں ہیں معاف کیجئے

حضور کیا کہا میں آپ کو بہت عزیز ہوں

حضور کا کرم ہے ورنہ میں بھی کوئی چیز ہوں

حضور چھوڑیئے ہمیں ہزار اور روگ ہیں

حضور جائیے کہ ہم بہت غریب لوگ ہیں

huzur ap aur nisf-e-shab mire makan par

huzur ki tamam tar balaen meri jan par

huzur khairiyat to hai huzur kyun khamosh hain

huzur boliye ke waswase wabal hosh hain

huzur hont is tarah se kapkuppa rahe hain kyun

huzur ap har qadam pe lar khara rahe hain kyun

huzur ap ki nazar mein nind ka khumar hai

huzur shayad aj dushmanon ko kuchh bukhar hai

huzur muskura rahe hain meri bat bat par

huzur ko na jane kya guman hai meri zat par

huzur munh se ba rahi hai pik saf kijiye

huzur ap to nashe mein hain muaf kijiye

huzur kya kaha main ap ko bahut aziz hun

huzur ka karam hai warna main bhi koi chiz hun

huzur chhoriye hamen hazar aur rog hain

huzur jaiye ke ham bahut gharib log hain