اے دل ان آنکھوں پر نہ جا

اے دل ان آنکھوں پر نہ جا

جن میں وفور رنج سے

کچھ دیر کو تیرے لیے

آنسو اگر لہرا گئے

یہ چند لمحوں کی چمک

جو تجھ کو پاگل کر گئی

ان جگنوؤں کے نور سے

چمکی ہے کب وہ زندگی

جس کے مقدر میں رہی

صبح طلب سے تیرگی

کس سوچ میں گم سم ہے تو

اے بے خبر ناداں نہ بن

تیری فسردہ روح کو

چاہت کے کانٹوں کی طلب

اور اس کے دامن میں فقط

ہمدردیوں کے پھول ہیں

ai dil in ankhon par na ja

jin mein wafur-e-ranj se

kuchh der ko tere liye

ansu agar lahra gae

ye chand lamhon ki chamak

jo tujh ko pagal kar gai

un jugnuon ke nur se

chamki hai kab wo zindagi

jis ke muqaddar mein rahi

subh talab se tirgi

kis soch mein gum sam hai tu

ai be khabar nadan na ban

teri fasurda ruh ko

chahat ke kanton ki talab

aur us ke daman mein faqat

hamdardiyon ke phul hain