تجھ سے بچھڑ کر بھی زندہ تھا

تجھ سے بچھڑ کر بھی زندہ تھا

مر مر کر یہ زہر پیا ہے

چپ رہنا آسان نہیں تھا

برسوں دل کا خون کیا ہے

جو کچھ گزری جیسی گزری

تجھ کو کب الزام دیا ہے

اپنے حال پہ خود رویا ہوں

خود ہی اپنا چاک سیا ہے

کتنی جانکاہی سے میں نے

تجھ کو دل سے محو کیا ہے

سناٹے کی جھیل میں تو نے

پھر کیوں پتھر پھینک دیا ہے

tujh se bichhar kar bhi zinda tha

mar mar kar ye zahr piya hai

chup rahna asan nahin tha

barson dil ka khun kya hai

jo kuchh guzri jaisi guzri

tujh ko kab ilzam diya hai

apne hal pe khud roya hun

khud hi apna chak siya hai

kitni jankahi se main ne

tujh ko dil se mahw kya hai

sannate ki jhil mein tu ne

phir kyun patthar phenk diya hai