تم اپنے عقیدوں کے نیزے

تم اپنے عقیدوں کے نیزے

ہر دل میں اتارے جاتے ہو

ہم لوگ محبت والے ہیں

تم خنجر کیوں لہراتے ہو

اس شہر میں نغمے بہنے دو

بستی میں ہمیں بھی رہنے دو

ہم پالنہار ہیں پھولوں کے

ہم خوشبو کے رکھوالے ہیں

تم کس کا لہو پینے آئے

ہم پیار سکھانے والے ہیں

اس شہر میں پھر کیا دیکھو گے

جب حرف یہاں مر جائے گا

جب تیغ پہ لے کٹ جائے گی

جب شعر سفر کر جائے گا

جب قتل ہوا سر سازوں کا

جب کال پڑا آوازوں کا

جب شہر کھنڈر بن جائے گا

پھر کس پر سنگ اٹھاؤ گے

اپنے چہرے آئینوں میں

جب دیکھو گے ڈر جاؤ گے

tum apne aqidon ke neze

har dil mein utare jate ho

ham log mohabbat wale hain

tum khanjar kyun lahrate ho

is shahr mein naghme bahne do

basti mein hamen bhi rahne do

ham palnahar hain phulon ke

ham khushbu ke rakhwale hain

tum kis ka lahu pine ae

ham pyar sikhane wale hain

is shahr mein phir kya dekhoge

jab harf yahan mar jaega

jab tegh pe le kat jaegi

jab sher safar kar jaega

jab qatl hua sar sazon ka

jab kal para awazon ka

jab shahr khandar ban jaega

phir kis par sang uthaoge

apne chehre ainon mein

jab dekhoge dar jaoge