پھول تھے اور قہر خوشبو کا

پھول تھے اور قہر خوشبو کا

خوف کے گھنگھرو چھن سے بجنے لگے

چاندنی کو فروغ تھا اتنا

رات بھر اس طلسم کا فتنہ

سر اٹھاتا رہا مرے اندر

سحر میں قید آرزو میں گم

سب کے سب ہم

سب کے سب تم

جان جوکھوں میں ڈال کر نکلے

اک کشادہ مکان کی چھت پر

نرگسی چہرے بال کھولے ہوئے

ماتمی سر میں گیت گاتے ہوئے

اپنا تو دل ہی کانپ جاتا ہے

اس گلی میں ہے بیل پھولوں کی

جس کی خوشبو پہ سانپ آتا ہے

phul the aur qahr khushbu ka

khauf ke ghunghru chhin se bajne lage

chandni ko farogh tha itna

rat bhar is tilism ka fitna

sar uthata raha mire andar

sehr mein qaid-e-arzu mein gum

sab ke sab ham

sab ke sab tum

jan jokhon mein dal kar nikle

ik kushada makan ki chhat par

nargisi chehre bal khole hue

matami sar mein git gate hue

apna to dil hi kanp jata hai

us gali mein hai bel phulon ki

jis ki khushbu pe sanp ata hai