دو طرح کے ہیں بدن

دو طرح کے ہیں بدن

دو طرح کے پیرہن

اک سجل بے رنگ ریشم سا لباس

جس میں لپٹا میرا فن

جس میں پلتے ہیں خیال

اک طرح کا پیرہن

تازہ اجلے سوت کا

جس میں رکھا ہے بدن

اور میرے خط و خال

پیرہن اوپر کا اترے

تو پہن لوں میں کسی دیوار کو

یا گماں کو چھوڑ کر

میں یقیں کو اوڑھ لوں

پیرہن اندر کا اترے

اور ہوں میں بے لباس

آگہی کو ڈھونڈ کر میں

اس زمیں کو اوڑھ لوں

do tarah ke hain badan

do tarah ke pairahan

ik sajal be rang resham sa libas

jis mein lipta mera fan

jis mein palte hain khayal

ik tarah ka pairahan

taza ujle sot ka

jis mein rakha hai badan

aur mere khat-o-khal

pairahan upar ka utre

tu pahan lun main kisi diwar ko

ya guman ko chhor kar

main yaqin ko orh lun

pairahan andar ka utre

aur hun main be libas

agahi ko dhund kar main

is zamin ko orh lun