قیس نے عشق کیا

قیس نے عشق کیا

پر شاعری نہیں کی

اس نے لیلیٰ کی باتیں

ہواؤں سے بگولوں سے درختوں سے اور بیلوں سے

پھولوں سے اور خوشبو سے کیں

قیس نے عشق کیا

اور اپنے عشق میں قدرت کو شامل کیا

میں نے شاعری کی

میری شاعری میں بھی ہوائیں بگولے درخت بیلیں پھول

اور خوشبو شامل ہیں

تب میں نے عشق نہیں کیا

میں نے جب عشق کیا

تو اس میں شامل ہوئے

تحفے ملاقات کے طے شدہ وقت آزمائش ان چاہے لوگ

اور وہ ساری دنیاوی چیزیں

جو کبھی محبت کی دلیل نہیں ہو سکتیں

qais ne ishq kiya

par shayari nahin ki

us ne laila ki baten

hawaon se bagulon se darakhton se aur bilon se

phulon se aur khushbu se kin

qais ne ishq kiya

aur apne ishq mein qudrat ko shamil kya

main ne shayari ki

meri shayari mein bhi hawaen bagule darakht belen phul

aur khushbu shamil hain

tab main ne ishq nahin kya

main ne jab ishq kya

to is mein shamil hue

tohfe mulaqat ke tai shuda waqt azmaish an chahe log

aur wo sari dunyawi chizen

jo kabhi mohabbat ki dalil nahin ho sakaten