یہ میں نے دیکھا تھا چھٹپنے میں

یہ میں نے دیکھا تھا چھٹپنے میں

کہ جن کا قد ہے بڑا انہیں سب

سلام کرتے

بڑے و چھوٹے سبھی کی آنکھوں

میں دکھتی ان کے لیے بس عزت

تو میں نے ٹھانا میں اپنا قد بھی بڑا کروں گا

سو یہ ہوا بھی

ہم عمر بچوں سے میں ہمیشہ

بڑا ہی ٹھہرا

جن سے قد میں تھا میں برابر

تھا ان سے چھوٹا

سو کھیلنے کو تھا میرے حصہ میں تنہا کونا

مگر مجھے تھا ابھی بھی بڑھنا

جہان بھر سے تھا اونچا بننا

کوئی بھی پہنچے نہ میرے قد تک

یہ چاہ تھی اب جنوں کی حد تک

سو یہ ہوا بھی

ہر ایک احساس اب تھا چھوٹا

ہر ایک رشتہ تھا گھٹنوں ہی تک

سو میں جو روتا ہتاش ہوتا

کوئی گلے سے لگاتا مجھ کو

تھا غیر ممکن

بڑھا بڑھا کے میں اپنی ضد میں

جنوں کا قد یوں بڑھا چکا ہوں

مرے برابر کوئی بھی چادر بچی نہیں ہے

سکوں کے بستر سے پاؤں میرے لٹک رہے ہیں

مگر میں اب بھی اچک اچک کے

یہ دیکھتا ہوں

میں پا کے سب کچھ یا سب گنوا کے

ابھی بھی خوابوں کے کاندھے تک ہی

پہنچ سکا ہوں

ye main ne dekha tha chhutpanne mein

ke jin ka qad hai bara unhen sab

salam karte

bare-o-chhote sabhi ki ankhon

main dikhti un ke liye bas izzat

to main ne thana mein apna qad bhi bara karunga

so ye hua bhi

ham umr bachchon se main hamesha

bara hi thahra

jin se qad mein tha main barabar

tha un se chhota

so khelne ko tha mere hissa mein tanha kona

magar mujhe tha abhi bhi barhna

jahan bhar se tha uncha banna

koi bhi pahunche na mere qad tak

ye chah thi ab junun ki had tak

so ye hua bhi

har ek ehsas ab tha chhota

har ek rishta tha ghutnon hi tak

so main jo rota hatash hota

koi gale se lagata mujh ko

tha ghair mumkin

barha barha ke main apni zid mein

junun ka qad yun barha chuka hun

mire barabar koi bhi chadar bachi nahin hai

sukun ke bistar se paon mere latak rahe hain

magar main ab bhi uchak uchak ke

ye dekhta hun

main pa ke sab kuchh ya sab ganwa ke

abhi bhi khwabon ke kandhe tak hi

pahunch saka hun