ہم شریف انسانوں

ہم شریف انسانوں

کی عجیب عادت ہے

ہم لباس والوں کو

ننگے پن سے نفرت ہے

سچ کو سچ نہیں کہتے

جھوٹ بھی چھپاتے ہیں

ننگے رہنے والوں کو

بے ادب بتاتے ہیں

ہم ادھوری چاہت کو

خواب نام دیتے ہیں

موت کی حقیقت کو

اک پڑاؤ کہتے ہیں

جیوں کا تیوں نہیں کہتے

استعارے لاتے ہیں

بے وجہ سجاتے ہیں

جسم کی ضرورت کو

تم بھی عشق کہتے ہو

تم بڑے مہذب ہو

ham sharif insanon

ki ajib adat hai

ham libas walon ko

nange pan se nafrat hai

sach ko sach nahin kahte

jhut bhi chhupate hain

nange rahne walon ko

be adab batate hain

ham adhuri chahat ko

khwab nam dete hain

maut ki haqiqat ko

ik parao kahte hain

jyun ka tiyon nahin kahte

istiare late hain

be wajh sajate hain

jism ki zarurat ko

tum bhi ishq kahte ho

tum bare mohazzab ho