ہوا نے چپکے سے

ہوا نے چپکے سے

ایک پودے کے کان میں

کیا نہ جانے پھونکا

کہ کھل اٹھا وہ

حسین رنگوں کو خود پہ اوڑھے

لجا رہا ہے

زمیں سے نظریں چرا رہا ہے

مگر اسے کیا خبر

ہواؤں کے رخ بدلتے ہیں

اور بدلی ہوا کے جھونکے

اسے خزاں کے سپرد کر کے

گزر رہیں گے

مگر یہ موسم بہار کا ہے

سو میں بھی چپ ہوں

حسین موسم کے دھوکے کھانا بھی

خوش نصیبی کی بات ہے نا

hawa ne chupke se

ek paude ke kan mein

kya na jane phunka

ke khul utha wo

hasin rangon ko khud pe orhe

laja raha hai

zamin se nazren chura raha hai

magar use kya khabar

hawaon ke rukh badalte hain

aur badli hawa ke jhonke

use khizan ke supurd kar ke

guzar rahenge

magar ye mausam bahar ka hai

so main bhi chup hun

hasin mausam ke dhoke khana bhi

khush nasibi ki bat hai na