Arooz is now on the App Store, for iPhone and iPad. Download →

All poetry

میں اک نشیڑی

Vikram (b. 1990)

میں اک نشیڑی

جو زندگی کے نشہ میں دھت تھا

نہ جانے کب سے

میں عمر کے لمبے راستوں پر

بھٹک رہا تھا

یہاں وہاں لڑکھڑا رہا تھا

کبھی کسی جستجو سے الجھا

کبھی کسی آرزو میں اٹکا

گرا محبت کی نالیوں میں

گزر رہے کچھ دنوں نے

مجھ پر اچھالے پتھر

تو کچھ نے تھوکا مری ذلالت پہ

اور بڑھ گئے

میں سوچتا تھا نشہ میں رہنا

علاج ہے میرے سب غموں کا

پر آج ہاتھوں میں

موت پیالہ لگا تو جانا

کہ سارے دکھ درد روگ بھر تھے

جو اس دوا کی بس ایک چسکی

سے کٹنے تھے پر

میں اک نشیڑی

جو زندگی کے نشہ میں دھت تھا