تمہاری موت

تمہاری موت

تمہاری ماں کی کوکھ سے

تمہارے ساتھ ہی پیدا ہوئی تھی

لیکن تم نے ہاتھ تھاما زندگی کا

موت کو بند کیا کسی کال کوٹھری میں

اور بھول گئے

اتہاس کی مردہ کتابوں اور خون سے سنے لجلجے اخباروں کو پڑھتے وقت

تم نے موت کو یاد کیا

چار آنسو بہائے

مگر تم ڈرپوک تھے

تم موت کو گلے نہ لگا سکے

میرے خیال سے تو تمہیں

جرمنی فلسطین کشمیر ہیروشیما گودھرا اور سیریا میں ایک ایک بار مر جانا چاہیئے تھا

مگر تم ڈرپوک تھے

اور تم اب بھی ڈرپوک کی طرح

چھت سے کود کر ایک جھٹکے میں مرنا چاہتے ہو

تم میں نہیں ہمت

پٹری پر لیٹ کر ٹرین کے انتظار کی

تم ڈرپوک اور واہیات ہو

کہ تم نے مرنے کے لیے عشق جیسی بے ہودہ چیز کو چنا

tumhari maut

tumhari man ki kokh se

tumhare sath hi paida hui thi

lekin tum ne hath thama zindagi ka

maut ko band kya kisi kal kothri mein

aur bhul gae

ithas ki murda kitabon aur khun se sune lajlaje akhbaron ko parhte waqt

tum ne maut ko yad kya

char ansu bahae

magar tum darpok the

tum maut ko gale na laga sake

mere khayal se to tumhen

jarmani falstin kashmir heroshema godhara aur siriya mein ek ek bar mar jana chahiye tha

magar tum darpok the

aur tum ab bhi darpok ki tarah

chhat se kud kar ek jhatke mein marna chahte ho

tum mein nahin himmat

patri par let kar taren ke intizar ki

tum darpok aur wahiyat ho

ke tum ne marne ke liye ishq jaisi be hoda chiz ko chuna