دروازے کیا ہوتے ہیں

دروازے کیا ہوتے ہیں

کیا دروازے باہر جانے کے لیے ہیں

یا صرف اندر آنے کے لیے

دروازوں کا درست مصرف سمجھنے سے

فلسفی قاصر رہے

ہم تمام عمر

ان کی حقیقت سے نا آشنا رہے

ہمیں معلوم نہ ہو سکا

اور دروازے ہمارے اندر سے خارج ہو گئے

یا شاید

اپنے ہی اندر داخل ہو گئے

داخل اور خارج ہونے کی بحث جاری تھی

کہ دروازوں کو دوام بخشا جا سکے

لیکن دروازوں کی خود کشی سے

مداومت کی موت واقع ہو گئی

darwaze kya hote hain

kya darwaze bahar jane ke liye hain

ya sirf andar ane ke liye

darwazon ka durust masraf samajhne se

falsafi qasir rahe

ham tamam umr

un ki haqiqat se na ashna rahe

hamen maalum na ho saka

aur darwaze hamare andar se kharij ho gae

ya shayad

apne hi andar dakhil ho gae

dakhil aur kharij hone ki bahs jari thi

ke darwazon ko dawam bakhsha ja sake

lekin darwazon ki khud kashi se

mudawamat ki maut waqe ho gai