میں تنہا تھا

میں تنہا تھا

کل بھی اور آج بھی

میں جانتا تھا کہ میں نیلا ہوں

لیکن تمہاری آواز پر میں باہر نکل آیا

گورے کالے اور خاکستریوں کے درمیان

اور اب میں زخمی ہوں

کاش تم مجھ سے نفرت کرتیں تو میں واپس تنہائی کے تنے میں چھپ جاتا

جہاں میرے آنسو شاخوں پر اگتے

اور میں فن کے میٹھے پھل دیتا

تم نے جب جب آواز دی

میری تنہائی مجھ سے روٹھ گئی

اور میں ہر بار کراہتا ہوا لوٹا

رحم ایک افسانہ ہے

مجھ پر لکھ ڈالو

کبھی تو احساس کو انگلیوں پہ گن ڈالو

میں اپنے غموں اور خوشیوں

عیدوں اور شب راتوں کی ساتھی

اپنی دلہن تنہائی کو

بھیرویں کے کومل سروں کی طرح

سدا سہاگن رکھوں گا

main tanha tha

kal bhi aur aj bhi

main janta tha ke main nila hun

lekin tumhari awaz par main bahar nikal aya

gore kale aur khakistariyon ke darmiyan

aur ab main zakhmi hun

kash tum mujh se nafrat kartin to main wapas tanhai ke tane mein chhup jata

jahan mere ansu shakhon par ugte

aur main fan ke mithe phal deta

tum ne jab jab awaz di

meri tanhai mujh se ruth gai

aur main har bar karahatta hua lauta

rahm ek afsana hai

mujh par likh dalo

kabhi to ehsas ko ungliyon pe gin dalo

main apne ghamon aur khushiyon

eidon aur shab raton ki sathi

apni dulhan tanhai ko

bherwen ke komal saron ki tarah

sada sahagan rakhunga