جنگوں خون آشامیوں کی گرد

جنگوں خون آشامیوں کی گرد

چہروں پر اوڑھے

حیراں لب بستہ بچو

ساحل پر سیپ کی مانند

اوندھے منہ بکھرے موتی جیسے بچو

بے لباس سڑکوں پر بھاگتے

دہشت زدہ سوکھے بچو

خدا کو اس دنیا کی شکایت لگانے والے

روتے بلکتے جاں سے گزرتے بچو

تار تار پیراہن جسم دریدہ روح راکھ بدن

عظیم انسانی تہذیب کے

ملبے تلے دبے مظلوم بچو

طیاروں کی گھن گرج سن کر سہمتے

گولہ باری سے پیٹ بھرتے بچو

کچرے سے چن کر کھاتے بے خانماں سیارو

پیٹ کا دوزخ بھرنے کو

گھاس ابالتے بچو

ہم نے تمہارے لیے

کتنی ہی اداس نظمیں لکھیں

نوحے گائے

مرثیے پڑھے

اور تم پھر بھی ساکت بیٹھے ہو

دنیا کو شاکی نظر سے تکتے ہو

بتاؤ بھلا

کی بورڈ ایکٹیوسٹ

اور کیا کر سکتا تھا

jangon khun ashamiyon ki gard

chehron par orhe

hairan lab basta bachcho

sahil par sip ki manind

aundhe munh bikhre moti jaise bachcho

be libas sarkon par bhagte

dahshat zada sukhe bachcho

khuda ko is duniya ki shikayat lagane wale

rote bilakte jan se guzarte bachcho

tar tar pairahan jism darida ruh rakh badan

azim insani tahzib ke

malbe tale dabe mazlum bachcho

tayyaron ki ghin garaj sun kar sahmate

gola bari se pet bharte bachcho

kachre se chun kar khate be khanuman sayyaro

pet ka dozakh bharne ko

ghas ubalte bachcho

ham ne tumhare liye

kitni hi udas nazmen likhen

nauhe gae

marsiye parhe

aur tum phir bhi sakit baithe ho

duniya ko shaki nazar se takte ho

batao bhala

ki bord ektewsat

aur kya kar sakta tha