ہتھیار ہاتھ میں لئے سانس روکے آنکھیں کھولے

ہتھیار ہاتھ میں لئے سانس روکے آنکھیں کھولے

شکار کی تاک میں بیٹھا ہوں میں چوک کی کوئی گنجائش ہی نہیں

نہ ذرا سی بھی نہیں

کہ ہلکی سے ہلکی حرکت پر

آنکھوں سے اوجھل ہو جانے کے لیے مشہور ہے میرا شکار

بجلی سا تیز لومڑی سا چالاک و چتر ہے مرا شکار

بڑا ہی جوکھم بھرا کھیل ہے شکار

آنکھ اور کان بچا کر

سیدھے آنکھ پر دھاوا بولتا ہے میرا شکار

اور ایسی خوفناک آواز

راتوں کی نیند اڑا دیتا ہے میرا شکار

شکار کھلاڑیوں کا کھیل

شکار تاج و تخت والوں کا کھیل

راجا مہاراجہ نواب و افسر

جاگیر دار زمیندار وائسرائے گورنر

صدیوں سے صاحبوں کو مصروف رکھتا یہ کھیل

میں بھی کوئی خالی نہیں بیٹھا

ہتھیار ہاتھ میں لیے

سانس روکے آنکھیں کھولے

شکار کی تاک میں بیٹھا ہوں میں

کھڑکی کے پار اخبار موڑے بے خوف

مکھی کے انتظار میں بیٹھا ہوں میں

hathiyar hath mein liye sans roke ankhen khole

shikar ki tak mein baitha hun main chok ki koi gunjaish hi nahin

na zara si bhi nahin

ke halki se halki harkat par

ankhon se ojhal ho jane ke liye mashhur hai mera shikar

bijli sa tez lomri sa chalak-o-chatar hai mira shikar

bara hi jokham bhara khel hai shikar

ankh aur kan bacha kar

sidhe ankh par dhawa bolta hai mera shikar

aur aisi khaufnak awaz

raton ki nind ura deta hai mera shikar

shikar khilariyon ka khel

shikar taj-o-takht walon ka khel

raja meharaja nawwab-o-afsar

jagir dar zamindar waisrae gawarnar

sadiyon se sahabon ko masruf rakhta ye khel

main bhi koi khali nahin baitha

hathiyar hath mein liye

sans roke ankhen khole

shikar ki tak mein baitha hun main

khirki ke par akhbar more be khauf

makkhi ke intizar mein baitha hun main