جب پرندے لہولہان ہو کر آسمان سے گر رہے تھے

جب پرندے لہولہان ہو کر آسمان سے گر رہے تھے

میں پانی کے قطرے سے موتی چن رہی تھی

جب کبوتروں کے غول غائب تھے

آسمان پر شمشیریں چمک رہی تھیں

میں بادلوں کو بوسہ دے رہی تھی

آسمانی بخشش نے میرے کورے کینواس پر

لکھ دی ایک نظم

وہاں ساحلوں پر اڑتے ہوئے پرندے تھے

بارش تھی

اور کبوتروں کے غول

آسمان کا رنگ نیلا تھا

پریاں کوہ قاف سے دعائیں لے کر لوٹی تھیں

موت کی سرحدوں سے الگ

جب بچوں کی لوریوں میں

خوف کی موسیقی شامل ہو رہی تھی

میں ایک اچھے دن کی نظم

پریوں کی کہانی کے ساتھ

ان بچوں کو سنانا چاہتی تھی

jab parinde lahuluhan ho kar asman se gir rahe the

main pani ke qatre se moti chun rahi thi

jab kabutron ke ghaul ghaib the

asman par shamshiren chamak rahi thin

main badalon ko bosa de rahi thi

asmani bakhshish ne mere kore kinawas par

likh di ek nazm

wahan sahilon par urte hue parinde the

barish thi

aur kabutron ke ghaul

asman ka rang nila tha

pariyan koh-e-qaf se duaen le kar lauti thin

maut ki sarhadon se alag

jab bachchon ki loriyon mein

khauf ki mausiqi shamil ho rahi thi

main ek achchhe din ki nazm

pariyon ki kahani ke sath

in bachchon ko sunana chahti thi